დღე მეცხრე

დღეს ტრენინგის ბოლო დღეა, ყველაფერი მშვენივრად მიმდინარეობდა.გულიც  მწყდება, რომ დასარულს  მივუახლოვდით. პრეზენტაციებიც მშვენიერი გამოვიდა.მადლობა გიორგის ტრენინგის ჩატარებისთვის.ხვალიდან ვეცდები ,პროექტი დავიწყო. მჯერა, რომ კარგად გამოვა.

დღე მერვე

დღეს განვიხილეთ მე-6 და მე-7 მოდულები,დიფერენცირებული სწავლება და ტექნოლოგიური ცხრილები. შეფასების გეგმაში დავასრულეთ მოსწავლეთა დიფერენცირებული სწავლების გრაფების შევსება, განვიხილეთ დიფერენცირებული სწავლების სტრატეგიები,გავეცანით მოსწავლეთა დამოუკიდებელი მუშაობის ხელშემწყობი შეფასების ფორმების შექმნას,მოსწავლეთათვის დამატებითი დამხმარე მასალების შექმნასა და პროექტის გეგმის შეცვლას სხვადასხვა სტილის/დონის მოსწავლეთა საჭიროებების გათვალისწინებით.გავაკეთე თვითშეფასება,თუ რამდენად წარმატებით შევქმენი მოსწავლეზე ორიენტირებული საკლასო გარემო. მე-7 მოდულში გავეცანი,რა სახის ფასილიტაცია შეიძლება გამოიყენოს მასწავლებელმა ტექნოლოგიების გამოყენებით გავიხსენეთ კითხვის დასმის სტრატეგიები მაღალი დონის სააზროვნო უნარების ხელშესაწყობად, შევქმენი დამხმარე მასალები,განვაახლე პროექტის გეგმა, გავიხსენე განხორციელების სტრატეგიები,გავეცანით დოკუმენტების შექმნას მენეჯმენტისთვის. გავაკეთე რეფლექსია ჩემს ბლოგზე და ყველა ჩემი ნაშრომი ჩავყარე დესკტოპზე პირველივე გაკვეთილზე შექმნილ ჩემი რესურსების საქაღალდეში.შევსებული პორტფოლიო განვათავსე drive-ზე.

პითაგორას თეორემა

ვინ შექმნა პითაგორას თეორემა

დღე მეშვიდე

მოვისმინეთ ჩვენი ტრნინგის მონაწილე პედაგოგების მიერ შექმნილი პრეზენტა-ციები, განვიხილეთ ისინი და ვიმსჯელეთ, როგორ იქნებოდა უკეთესი. მივეცით შენიშვნები დa ჩვენც გავითვალისწინეთ. ვისწავლეთ დრაივზე სხვადასხვა მასალის ატვირთვა და სეფასების სხვადასხვა მეთოდის შემუშავება.ვისწავლე ბლოგზე გვერდების სექმნა ( პირადად მე ბუნდოვნად) ,ასევე მოსწავლის სლაიდი დავხვეწეთ. ვიმუშავეთ ბლოგში. ჯობდა 30 ოქტომბერს ის 2 საათიც არ გამეცდინა სასამართლოზე მოწმის სტატუსით რომ არ გამოვეძახე, თუმცა ბოლო 2 საათი მაინც ნაყოფიერი იყო, მაგრამ დარჩა სიცარიელები.

მეექვსე დღე

განვიხილეთ დიფერენცირებული სწავლების სტრატეგიები, ვიმუშავეთ მოსწავლეთა დამოუკიდებელი მუშაობისთვის ხელშემწყობი ფორმების შექმნაზე,  ვიმსჯელეთ ასევე მათთვის დამატებითი  დამხმარე მასალების შექმნაზე,  შევცვალეთ პროექტის გეგმა სხვადსხვა დონის მოსწავლეთა საჭიროებების გათვალისწინებით და გავაკეთე თვითშეფასება, შევარჩიეთ კითხვები მაღალი დონის სააზროვნო უნარების ხელშესაწყობად.  განვიხილეთ განხორციელების სტრეტეგიები, შევქმენით დოკუმენტები მენეჯმენტისთვის, შევაფასეთ  საგაკვეთილო გეგმა და  კვლავ განვაახლეთ შეფასების შედეგების მიხედვით. ასევე ძალიან კმაყოფილი ვარ დღევანდელი მუშაობით.

როგორ გამოვითვალოთ იდეალური წონა ზუსტი ფორმულით

დღე მეხუთე

მეხუთე დღე დავიწყეთ  მასწავლებლების პრეზენტაციებისა და   ბუკლეტების განხილვით, მოვიძიე ჩემი პროექტის შესაბამისი ვიდეო ინტერნეტის( www. youtube.com) საშუალებით ,შემდეგ  გადმოვიწერე ვიდეო  ( ამისათვის  ვიდეოს დაბლა მოვიძიე embed კოდი, დავაკოპირე და შემდეგ ჩავსვი ბლოგში ( ჯერ  HTML) და  კოდი ჩავსვი, ჩაჯდა ვიდეოც. ასევე DRIVE ველში შევქმენი კითხვარი  სხვადასხვა ტიპის პასუხების გამოყენებით. შევარჩიე სტრატეგიები პროექტებზე დაფუძნებულ და მოსწავლეზე ორიენტირებულ საკლასო გარემოსტან მოსწავლეების ადაპტირების ხელშესაწყობად, გავაკეთს სწავლების პროცედურების მონახაზი, ვცადეთ მოსწავლეთა ნამუშევრების შეფასება. ვიმსჯელეთ სეფასების პროცესში მოსწავლეების ჩართვასთან დაკავშირებული პოტენციურ სირთულეებზე. და მათი დაძლევის გზებზე.გავაკეთეთ  გამოყენებული სეფასების ფორმების ანალიზი და სეფასება, გავეცანით მოსწავლეების შეფასების ფორმებს, შემდეგ გადავხედეთ მოსწავლეებისთვის შექმნილი პროექტის ნიმუშს და  შევიტანეთ ცვლილებები. ბოლოს განვაახლეთ პროექტის გეგმის შაბლონი.

დღე მეოთხე

დღეს სამუშაო კიდევ უფრო საინტერესო გახდა, შევქმენი ბროშურა, ვისწავლე ,სად მოვიძიო ბროშურის სახეები, როგორ განვათავსო ზედ ინფორმაცია. გავუზიარეთ იდეები ერთმანეთს, დავასრულეთ ბუკლეტი, გავაკეთეთ მოსწავლეებისთვის   პრეზენტაცია  და  კიდევ   გადავხედეთ მიმართულების  მიმცემ საკვანძო კითხვებს. გავეცანით ერთმანეთის პრეზენტაციებს, გეგმა კიდევ შევავსეთ, შევაფასეთ მოსწავლეთა საჭიროებები, გავუზიარეთ იდეები ერთმანეთს, ვიმსჯელეთ ბუნდოვან საკითხებზე,პროექტზე დაფუძნებული სწავლებით სტანდარტით შედეგების მიღწევაზე. გავეცანით  საავტორო უფლებების კანონმდებლობას. ინტერნეტრესურსების გამოყენებისას აუცილებლად უნდა მივუთითოთ ვებმისამართი, შეგვიძლია გამოვიყენოთ ონლაინთანამშრომლობითი ვებსაიტები. გავაკეთე ამ დღის რეფლექსიაც, შევასწორე შეცდომები ჩემს ბუკლეტში.

დღე მესამე

დღეს შევარჩიე ბლოგის დიზაინი,გამოვიყენე ბლოგის ინსტრუმენტები  მიმართულების მიმცემ საკვანძო კითხვებზე და მათ მნიშველობებს გავეცანი. ჯგუფში ოთხმა პედაგოგმა ვიმუშავეთ პროექტზე:  ,,ქართული მუსიკალური დიალექტები",გავეცანი და ვისწავლე  ზოგადი,  თემატური და შინაარსობრივი კითხვების დასმა,ჩვენს ჯგუფურ პროექტშიც ჩამოვწერეთ
 ზოგადი კითხვები:
 რა დანიშნულება აქვს ქართულ ფოლკლორს პროფესიულ მუსიკასთან მიმართებაში?   თემატური კითხვები;
 რა ტიპის კომუნიკაციები არსებობს?
შინაარსობრივი  კითხვები:რას ნიშნავს ფოლკლორი?
არსებობს კი მუსიკალური დიალექტი?
რომელი კუთხისთვის არის დამახასიათებელი გუდასტვირი?
როგორ გამოვიცნოთ მუსიკალური დიალექტი?
რატომ არის მუსიკალური ბგერა  მნიშვნელოვანი?

შემდეგ ჯგუფში ვიმსჯელეთ,  რომელი კითხვა იყო სწორად დასმული და რომელი არასწორად,ტრენერმა  კიდევ ერთხელ აგვიხსნა, რა განსხვავება უნდა იყოს თემატურსადა შინაარსობრივ კითხვებს შორის. ამ დღეს შევიმუშავეთ    სტანდარტები   ჩვენი პროექტისთვის.  ასევე ჩამოვაყალიბე სასწავლო ამოცანები, კიდევ ერთხელ ჩამოვაყალიბე მიმართულების მიმცემი  საკვანძო კითხვები,მოვიკვლიე  შეფასების ეფექტური სტრატეგიები,შევქმენი დროში გაწერილივ შეფასების გეგმის მონახაზი,მოსწავლეთა საჭიროებების გამოვლენისთვის  შევადგინე შეფასების  ფორმა, შევასწორე პროექტის პორტფოლიოს  პრეზენტაცია   და ბუკლეტის ფორმა. ტრენინგი ძალიან ნაყოფიერი და უამრავი ახალი ინფორმაციის მომცემია. ტრენერი უმაღლესი პასუხისმგებლობით ეკიდება ყველა საკითხს.

დღე მეორე

ინტელის მეორე გაკვეთილზე შევქმენი  ახალი ბლოგი,,ფუნქცია-ადამიანის სიმაღლე და იდეალური წონა.''გავიხსენე  ბლოგის შექმნასა და შეცვლასთან დაკავშირებული საკითხები.  ასევე პროექტის შესაქმნელად საჭირო საკითხები. განვიხილეთ კურსის თითოეული მოდულის მთავარი აქცენტები და 

მოსალოდნელი შედეგები. შევიმუშავე სტანდარტები ჩემი პროექტისთვის, ჩამოვაყალიბე სასწავლო ამოცანები, გავეცანი  , როგორ შევქმნა მიმართულების მიმცემი საკვანძო კკითხვები, თუმცა ამ საკითხში ცოტა ბუნდოვნად გავერკიე ანუ ეჭვი მეპარება, სწორია თუ არა თემატური, ზოგადი ან შინაარსობრივი კითხვები, ალბათ  პრაქტიკა მიჩვენებს. გავაკეთე დროში გაწერილი შეფასების გეგმა. ვცადე  პროექტის პორტფოლიოს პრეზენტაციის შექმნა. ბოლოს გავაკეთე რეფლექსია ბლოგზე. ჯერჯერობით ყველაფერი კარგად მიმდინარეობს.

დღე პირველი

ინტელის პირველ გაკვეთილზე გავიცანი ტრენერი ბატონი გიორგი არავიაშვილი. შევქმენი პორტფოლიოს საქაღალდე, მასში შევიტანე პორტფოლიოს კომპონენტები და ა.შ. განვიხილეთ სხვა პროექტები, მათი მიზნები და შედეგები. გადავხედე  ჩემი პროექტის შესაბამის  21 საუკუნის უნარ-ჩვევებს, ზოგადად ჩამოვაყალიბე საპროექტო იდეები. გავაკეთე  ამ დღის  რეფლექსია. პირადად  ჩემთვის ეს  ტრენინგი   ძალიან საინტერესო იყო. იმედი მაქვს, ტრენინგი ძალიან დანეხმარება სერტიფიცირებული მასწავლებლიდან მკვლევარი მასწავლებლისკენ მიმავალ რთულ გზაზე და  გამიმარტივებს ამ გზას. მჯერა, რომ ჩემი მოსწავლეებიც ერთხელ მაინც გააკეთებენ  სრულყოფილ პროექტს. ვნახოთ.